سنين فاتت

يا زارع ورد احزانك في يوم مجهول

يا غازل فرط ايامك خيوط ع النول

بتستر بيه جروح روحك

بقلع خفيف

وترسم فرحة قدامك

يمشي الفرح في دروبك كأنه كفيف

تلف الحزن اللي متبقى مع عمرك

في وقت مزاج

سيجارة كيف

وتسحب من ضلوع عينك

يطير دخان سنين راحت

في لحظة أه

و ليل بيطول

رماد قلبك يتفرفط في غنواية

عشان مسطول

تفوق حبة

تنفض م الوجع روحك

وتتبسم لبكرة جديد

مهوش باين

وتسأل

ياترى يا بكرة مستني

ويبقى الدمع متأني

ويطفي الشمع

تقسم عمرك الباقي علي الأيام

تبات مديون بكام ساعة

وكام بسمة

وتجري بلهفة الملهوف

لكن فجاءة

لا صوت بتشوف

ولا سامع مدى بصرك

وكل العمر متوقف دقيقة حداد

علي الفجر اللي كان هربان

في نص الليل

قدر الأقدار

قالو

إن السحر الأسود

ينبع من عينيكِ

وأن مغارة دنيال في فاس

أبوابها تفتح بأمرك

وأن أرهاط الجان

تأتمر بأمرك

قالوا بأن لعينيكِ

حاكم وإمارة وحراس

ودير يقرع أجراس

وبشائر عيد

ونبع لا يخشى الإنقاص

قالوا عنكِ

فخشيت أن أهواكِ

فهويتكِ

***
أهواكِ

كامرأة لا تعرف غير الحب وسيلة

امرأة ينمو بداخلها قيصر

بدماء زرقاء وأصول نبيلة

امرأة جمعت

حُسن الدنيا في عينيها

امرأة خلقت كي تحكم

في دنيا العشق

ألف قبيلة

وقبيلة

إمرأة لا تغرى بالماس

لا تقبل للحب بديلا

امرأة تحمل ألف نبوءة

ونبوءة

وملاك يبشر تبشيرا

أهواكِ

كما أهوى أن أهوى

أهواكِ في مسائي خمراً

أهواكِ في صباحي قهوة

كما أهوىَ

أهواكِ

في أطراف الشرفة

نسمات عليلة

أهواكِ قداً ممشوقاً

أهوى في شفاكِ التقبيلَ

ولا أملك غير هواكِ

سر اً مخطوطاً في كتاب

في السر يرتل ترتيلا

أهواكِ

كسجن وردي

يأسرني خلف الأسوار

أهواكِ وأنا أعلم أنك

في العمر خطيئة

وهواكِ ميسر و قمار

فلا تأتِ بسؤال عفوي

لما تهوى

هل حدثتِ يوما عصفوراً

لما يهوى فروع الأشجار ..؟

هل حدثتِ يوما بدراً

وسألتِ

لما تضوي زوايا الأسحار .؟

فالعشق يا سيدتي

قدر الأقدار

قدر الأقدار

رسايل

بعد التحية والأشتياق ...لعيونك الحلوة اللي مش محتاجة زواق ..

أبداء رسالتي زي كل مرة ... طمنيني عنك وعن الأولاد ...

وحشاني قوي قوي ... اما اللي عندي كلهم يهدوكي السلام ...

و اللي سبته عندك أمانة ... برضوا بيهديكي السلام ...قلبي
أما بعد

الحزن خدني في سكتة

لما التقيت نفسي وحيد

والغربة مطحنة الرجال

ووقت اللقا لساه بعيد

ولا عادش طعم للحياة

ولا عدش طعم لأي عيد

وانا كل يوم اتذكرك

واخدك في حضني وانام

والفجر أصحى أفطرك

تتخبي فيا في المنام

وأجي امسكك

يندهني صوتك من بعيد

زي الأدان

اصلي ركعتين للعودة

وركعتين تقريب

***
واتذكر أخر كلام قبل الرحيل

ساعة ماقولت أنا ماشي

ولملمتك معايا دليل

تكوني في غربتي معاشي

وقلت

عايزك تكوني سند باقي

كفن مفرود يلم في موتي اشلائي

وقولتي لي ..

انا باقية لو انت كنت لي الباقي

انا من مر تغريبك انا المسقي وانا الساقي

وأنا سندك لو تعود تاني

حبست الدمعة في عيني

ودمع الرجال في شرعي انا غالي

وخرجت بسرعة بداري

الدمعة الصامدة و حافي

وقت ما هميتي

وشديتي كتافي

يا عيوني

ضوافرك لسة معلمة فيا حنين

ولسة الدمع في عيني جنين

يا حياتي

الغربة دي كفر

وأنا هنا كافر

عارفة يعني ايه كافر ..؟؟

يعني انا هنا محلول دمي

يجوز قتلي كل يوم تلات مرات

عشان أكل

تلات طقات

****
عارفة

ساعة ما وصلت لباب الطيارة

حسيت رجلي مش شيلاني

وان الأرض بتمسك فيا

وشوفت عنيكي ايدين شداني

قولت اقاوم زي الخلق

وأحاول تاني

حطيت رجلي وقولت افوت

قلبي وجعني

وأول مرة احس بقلبي

بينفض فيا وبيقطعني

عايز يهرب

سألت انا نفسي

هو انا قلبي سابني وباعني

أتاريه واقع بين رجليا

مش خوف م الموت

ولا م الطيارة

عايز يهرب مني اليكي ويبقى معاكي

***
وبعد ما ربطنا حزام الكرسي

انا والمدعو محمد مرسي

المتلقح جانبي وخايف

لمحت بعيني حاجة جميلة

بشكل شفايف ...؟؟

ردت قالت رحلة سعيدة

عرفت ساعتها بأن الرجعة لحضنك تاني

لسه بعيدة

فردت ايديا وقلت انام

جايز صوتك يخرج مني

وجايز صورتك تبعد عني

واقدر اسرح في الأحلام

لسه بغمض

مرت جانبي يووووووووووووووووه

واحدة زي البدر تمام

تقوليشي أنتي

عودها نحيف وملامحة تجنن

بالعربي

عودها فرنساوي

في الماشية .. مقدرش اوصفلك

بيعزف تواشيح وغناوي

وطولها قريب من طولك

بس أطول منك شبر

اما العرض

(ما تتكسفيش )

أنتي أعرض 20 شبر

جيت أكتبها في قلب قصيدة

رغم جمالها

عصاني الحبر ...؟؟؟

على بال ما جيت

ندهت بعزم أحزاني
أنا المقتول يا خلق الله
مانيش جاني
انا الحر اللي مشتاق لك
وشوقك هو سجاني
انا وانتي زمان كنا
بنلعب نبضة حيرانة
ونجري في مجرى شرياني
تروحي لقلبي تتخبي
وأخبي نفسي في عنيكي
واتوه مني
وأعود تاني
وتبقى عنيكي عنواني
وانده لك
والسؤال حيران
ليه وقت الفرح تنسيني ..؟
وقت الحزن فاكراني ..؟
&&&
علي بال ما جيت
لقيت النبض بيسافر
مابين القلب والشريان
لقيت فيا مكان فاضي
بنبضة قلبي كان مليان
خسارة تتوهي في الزحمة
خسارة توه معاني الألفه لو كانت
بين العشق والأنسان
وقولت أجري عشان الحق
بواقي الحلم لو سهران
لقيت الحلم بيقفل
وبيغفل
رموش عيني
يصحيني
أنين روحي
يشوفك وانتي بتلمي بواقي الحلم يا نبضة
وبتروحي
فتسهر علي الجفون احزان
وتتسامر مع جروحي
وتكتب حرف مستني
يموت شعراً
لاطعم الشعر له معنى
ولا أحساس يجمعنا
فايه لازمة اقول الشعر في الأفراح
وفي عنيكي
بريء منك يا حرف بينكتب مني
يا كاين في زمن خوفي
تطبطب ع الكتاف حبة

تطمني

عارف يا صاحبي

حبر وورق

ومكان قمرنا اللي أتسرق

ونجوم بترحل من سكات

و سمانا عاشت في القلق

وسنين حفظناها في كتاب

وكتابنا بيها بيتحرق

مين اللي خلى الضلمة تسكن في القلوب

من اللي خلى العتمة فينا تتنشر

مين اللي خلى الخوف يسيطر ع الدروب

مين اللي عبي الحزن في عنين البشر

هو القتيل كان له مجال للأختيار

ولا مصيرة يموت قتيل وتوه معالم جثتة

بين القضا وبين القدر

وانا ليه أتوه ....؟؟؟

وأشغل دماغي بالجواب

ده الفجر غاب

لما لهيبه قسمك

والنور قصادة الف باب

ولجام حروفه ملجمك

أطلق خيولك في الحقول

ده القلب نور

والعشق اجمل ملحمة

وانا وانت قادرين نلتقي

لو حتى نجمين في السما

نهرب بعيد

نرحل لعصر المعجزات

نسهر نبات

ندخل حدود الأمنيات

لو حتى خيلك طب مات

نزرع سنابل للصمود

نكسر حيطان كل السدود

ده الضلع قادر يبقى عود

وخيوط نهارنا الوتر

عارف يا صاحبي

الفرق بيني وبينك ايه ..؟؟

إن انا

بحلم ليلاتي بالحياة

وأنت اللي مفروض الحياة

تاخدك نجاة

وتضم فيك كل الأمل

عارف يا صاحبي

انا كل احلامي يدوب

وياك أعيش

لو حتى كان القصر عشة

ده الغريق يا صاحبي لما

يحس انه راح يموت

بيربط الأحلام بقشة

وسامحيني

وسامحيني

يا نور عيني

اذا كنت في يوم مليت

وسامحيني لو مرة انا ضليت

طريقي الصعب لعنيكي

فيشفع لي

أن انا اتمنيت

يكون عمري 3 اعمار

تعيشي جوه احضاني

كما اترجيت

وسامحيني

اذا كان الكلام مني بقى ممرمر

اذا كات الحروف مني بتتمرمر

اذا كان الأمل فيا بيتكسر

اذا روحت في طريق مجهول

انا وخطيت

فسامحيني

وسامحيني لأني بجد مش قادر

أجيب لك من سمانا نجوم

ولا قادر أشيل من قصاد شمسك

ضنا وغيوم

ولا قادر احدد مين اللي كان ظالمك

ومين مظلوم

وسامحيني

اذا لعنيكي انا حبيت

وسامحيني

لو دمي اللي في عروقي

عايز يبقى في يوم دمك

ولو حرسم ضحكتي ضلة

في وقت أمر من يمك

وسامحيني

لو في يوم حسيت

بأنك كنتي مش انتي

ولا كنتي كما اتمنيت

وأغنية علي لسانك

في لحظة حزن انا اتغنيت

وسامحيني كمان مرة

لو كنت لعنيكي في يوم صليت

يا كل الباقي من عمري

يا شمسي وضلتي وقمري

ياناسي

يا كل انفاسي

يا صبه في قلبي احساسي

سامحيني

لو انا خليت

تبات الدمعه فوق خدك

وانا استنيت

إني راحلة

قالت
إذهب بعيداً
إبتعد
إني حبيبي لراحلة
وأنا إن ذهبت لم أعُد
هذا مصيري سأقبله
لن أوفي دَينيِ والوعد
قالت
و الدمع نهر قد نزف
فوق ضفاف المقلتين
حارًَ عليها يرتعد
قالت حبيبي إبتعد
أنا لم اكن
غير العذاب في رحلتك
انا لم اكن
غير سرابًُ بربريِ
جعل الجفاف مع عذابك يتحد
انا لم أكن
غير حريق ملتهب
جعل فؤادك يتقد
قلت أصمتي
أنتي التي وهبك الهي
حبيبتي
أنتي التي كنتي حياتي
وقصتي
مدت يدي علي وجنتيها
ضممتها
مدت يداها كي تلامس جبهتي
نزلت لخدي والشفاه
ونامت يدها فوق كتفي غافية
وكأنها
كانت لقلبي تهتدي
كي تمحوا ذكرها التي
عاشت وحيدة في فؤادي الأوحدِ
فمسكت يديها بين كتفي ولحيتي
سحبت يداها
ممسكة بقلادتي
حاملة دعائي .. وصلاتي وسجدتي
ورحلت
والدمع رقراق علي وجنتيها لم يزل
وقلبي المهلهل قد بذل
كل التوسل للأله كي تعود
ونزف الدموع والقبل
فكففتُها
وزرعت قلبي زهرة
وقت الرحيل في قبرها